Arrangement

Militærmaktseminaret 2019: Kva vil vi med Forsvaret?

Trusselbiletet endrar seg raskt. Kan morgondagens forsvar forsvare oss? Bli med når vi skal diskutere dette og meir under årets Militærmaktseminar på Litteraturhuset 13. november.

12 november 2019

09:00 Europe/Oslo

Språk: Norsk

Wergeland, Litteraturhuset i Oslo

Seminar

Temaer

Det er stor semje om at vi treng eit forsvar. Det er også stor semje om at Forsvarets rolle først og fremst er å forhindre krig i Noreg. I tillegg har Forsvaret også andre oppgåver som strekkjer seg over heile krisespekteret, frå å sikre politisk handlefridom og norsk suverenitet, til å bidra til NATOs kollektive forsvar.

Korleis Forsvaret skal løyse desse oppgåvene, er likevel gjenstand for kontinuerleg debatt.

Forsvarssjefens Fagmilitære råd (FMR) blei lagd frami oktober. Konklusjonen er klar, Noregs forsvar er ikkje i stand til å utføre dei oppgåvene dei er pålagde, enten her heime eller for å støtte oppunder NATO. Tilrådinga er derfor at Forsvaret må rustast opp betrakteleg gjennom ein kraftig auke i forsvarsbudsjettet. Vi må velje FMRs alternativ A.

Er politikarane villige til å betale for dette? Er befolkninga i Noreg villige til å betale for dette? Vil vi med alternativ A få eit forsvar som er sterkt nok til å verne Noreg i ei ustabil og uroleg tid – og stort nok til å bidra til NATOs kollektive forsvar? Korleis har ein komme fram til dette forslaget? Og kva vil dei andre alternativa eventuelt sjå bort frå? Kva oppgåver bør nedprioriterast?

Korleis bør ein planleggje for framtida? Kan vi tilstrekkeleg planleggje for, og verne, Noreg i det Forsvaret omtaler som ei ustabil og uroleg tid? Eller vil verda alltid komme planane i forkjøpet? Er Forsvarets langtidsplanar i tilstrekkeleg grad samordna med andre politiske verkemiddel og sektorar for å løyse primæroppgavene; hindre krig, sikre politisk handlefridom og norsk suverenitet?

På Militærmaktseminaret 2019 skal vi sjå nærare på FMR, løfte blikket opp frå dei tekniske detaljane, og sjå nærare på kva for nokre politiske, strategiske og strukturelle val som bør gjerast i tida framover.

Heile seminaret blir strøymt direkte på NUPIs YouTube-kanal:

PROGRAM:

09.00-10.00	Velkommen, NUPI-direktør Ulf Sverdrup
	Opningstale, forsvarsminister Frank Bakke-Jensen (H)
	Hovudtrekk frå forsvarssjefens siste Fagmilitære råd, BG Øyvind Kvalvik, Leiar for utgreiinga av FMR
	Moglegheiter og utfordringar med forsvarssjefens siste Fagmilitære råd, Ståle Ulriksen, Sjøkrigsskolen
	Spørsmål frå salen
10.00-10.15	Kaffipause
10.15-11.45	Fagdebatt: Planlegging mellom politikk og våpensystem
	Ordstyrar: Marit Rye Ramberg, Hærstaben
	Korleis planlegg ein eit forsvar? Oblt. Palle Ydstebø, Krigsskolen
	Landsmakta mellom atomkrig og små grøne menn, OB Tomas Beck, Hærstaben
	Sjø og land, hand i hand? OK Tor Ivar Strømmen, Sjøkrigsskolen
	Planlegg vi oss i hel? Erik Reichborn-Kjennerud, NUPI
11.45-12.15	Pause med lett servering
12.15-13.15	Politisk paneldebatt: Forsvarets strategiske innretning mot neste LTP
	Ordstyrar: Karsten Friis, NUPI
	Anniken Huitfeldt, stortingsrepresentant (AP)
	Liv Signe Navarsete, stortingsrepresentant (SP)
	Hårek Elvenes, stortingsrepresentant (H)
	Audun Lysbakken, stortingsrepresentant (SV)
	Christian Tybring-Gjedde, stortingsrepresentant (Frp)