Arrangement

21. mai er det klart for sluttkonferansen for prosjektet Traders in the food value chain: Firm size and international food distribution. Prosjektet analyserer organisering, marknadsstruktur og fordeling langs verdikjedene i internasjonal matvarehandel, med fokus på norsk sjømateksport og import og eksport av landbruksvarer. Konferansen har to relaterte men ulike tema før og etter lunsj, og det er ope for å delta heile eller deler av dagen.

I seminaret fram til lunsj legg forskarar frå SNF, NUPI og Ruralis fram analysar av norsk eksport og handel på bedriftsnivå, dels basert på detaljerte handelsdata for Noreg (NUPI, SNF) og dels basert på case studiar av landbrukseksport (Ruralis). I kva grad kjem av eksportsuksessen for laks dyktige handelsaktørar? Varierer organiseringa av sjømateksport mellom ulike fiskeslag, og kva er mest effektivt? Er handelen organisert ulikt for små og store bedrifter? Tolldirektoratet vil også innleie om korleis vitskap kan vere til nytte i tollkontroll.

Seminarets del 2 fokuserer på handel og utvikling, inkluderte innovasjonen og betydninga av mellomledd i handel, norsk import av landbruksvarer frå Afrika (kjøtt og blomstrar), og handelen med sjømat i India. Kva betyr stadig strengare reglar for mattryggleik for organisering av handelen, er små bedrifter i stand til å handtere dette? Kva er grunnen til at blomstrar frå Afrika blir firedobla i pris på vegen nordover, kva rolle speler mellomledd i handelen?

Prosjektet er finansiert av Noregs forskingsråd i 2014-2019, og er eit tverrfagleg samarbeid mellom NUPI, SNF i Bergen og Ruralis i Trondheim, og med internasjonale partnarar i USA, Storbritannia og India. Mange publikasjonar er tilgjengelege frå prosjektet.

PROGRAM:

09.00-09.15	Arne Melchior, NUPI: Overview of the project
09.15-10.50	Del 1: Firm-level analysis of trade, with particular emphasis on Norwegian food exports
	Hans-Martin Straume, BI: Norwegian seafood exports – a firm-level perspective.
	Jostein Vik, Ruralis: Global Value Chains and Middlemen. A Comparative Case-Study of Norwegian Agricultural Export
	Erling Vårdal, SNF/Universitetet i Bergen : Invoicing currencies in Norwegian foreign trade 2004-2014
10.50-11.05	Kaffipause
11.05-11.45	Hege Medin, NUPI: Intermediaries in trade
11.45-12.15	Siren Tønnesen, Tolldirektoratet: A role for science in customs control?
12.15-12.30	Q&A
12.30-13.00	Lunsjpause
13.00-14.50	Del 2: Value chains and intermediaries in developing country trade
	Fulvio Castellacci, TIK, Universitetet i Oslo: Product innovation and intermediaries in international trade.
	Karl Rich, CGIAR/Ben Bennett, NRI: Of rei lines and rei cars: the impacts on preferential trade access in beef on development and market access in Namibia and Botswana
	Meenakshi Rajeev, ISEC: Understanding Price Differences of Selected Fisheries Items in India: A State-wise Analysis
	Hege Medin, NUPI: Flowers from Africa. Preferential treatment of Norwegian flower imports
14.50-15.00	Q&A og avslutning