Arrangement

Energitryggleik i Europa: kva kan Noreg og Polen bidra med?

Eit nytt polsk-norsk samarbeid skal bidra til auka energitryggleik i Europa. Olje- og energiminister Kjell-Børge Freiberg møter den polske motparten sin på NUPI for å snakke om den nye gasskorridoren mellom Noreg og Polen.

31 januar 2019

10:30 Europe/Oslo

Språk: Engelsk

NUPI

Seminar

Temaer

Gjennom forbetra infrastruktur skal «Baltic Pipe»-prosjektet sørgje for nye forsyningsruter for gass til den europeiske marknaden. Denne nye ruta gjer det mogleg å transportere gass frå Noreg til danske og polske marknader, og til sluttbrukarar i landa rundt. Prosjektet er også ein del av EU-planen om å styrkje energisamarbeid langs nord-sør aksen i denne delen av Europa. Målet er altså at ein får eit sterkare energisamarbeid og ein forbetra energitryggleik i regionen.

Prosjektet er eit nytt steg vidare i det polsk-norske energisamarbeidet, og har blitt gjort mogleg gjennom det breiare rammeverket til EUs energipolitikk. Noreg har tidlegare levert relativt små mengder gass til Polen via Tyskland i perioden mellom 2001 og 2006. «Baltic Pipe»-prosjektet opnar for eksport på opptil 10 milliardar kubikkmeter gass til Polen. I tillegg har to polske firma etablert seg på den norske kontinentalsokkelen, Lotos og PGNiG Upstream.

Seminaret 1. februar 2019 vil gi eit godt høve til å bli betre kjent med polsk energipolitikk og Noregs rolle i arbeidet med europeiske planar i gassektoren. Hit kjem Krzysztof Tchórzewski, energiminister i Polen, olje- og energiminister Kjell-Børge Freiberg, Piotr Naimski som er polsk statsfullmektig for strategisk energiinfrastruktur.

I tillegg vil også representantar for selskap involvert i polsk-norske planar delta i ein panelsamtale om dei nye marknadsmoglegheitene.

Direktør ved NUPI, Ulf Sverdrup, leiar arrangementet.

Arrangementet blir strøymt direkte på NUPIs YouTube-kanal:

PROGRAM:

10.00	Registrering og kaffi
10.30	Opningstale ved NUPI-direktør Ulf Sverdrup
10.30	Hovudtalar:
	Gas in Polish Energy Policy 2040, Krzysztof Tchórzewski, energiminister, Polen
	Norwegian Gas in the European Energy Mix, Kjell-Børge Freiberg, olje- og energiminister
	The role of NCS in Polish gas diversification policy, Piotr Naimski, polsk statsfullmektig for strategisk energiinfrastruktur
11.05	Panelsamtale: Baltic Pipe – new market opportunities
	Moderator: Ulf Sverdup, direktør NUPI
	Torben Brabo administrerande direktør, Energinet Gas TSO A/S
	Frode Leversund, administrerande direktør, GASSCO
	Tomasz Stępień, administrerande direktør, GAZ-SYSTEM
	Piotr Woźniak, President, PGNiG
12.30	Slutt