Arrangement

Utanrikspolitikk kjem neppe til å dominere valkampen, noko som eigentleg er paradoksalt. Ei rekkje saker som dominerer den internasjonale dagsordenen kan ha stor innverknad på forholda heime i Noreg: Vil Vestens sanksjonar mot Russland strammast ytterlegare til? Vil ei ny migrasjonsbølgje frå Syria no oss? Kva vil Brexit bety for samarbeidet i Europa? Korleis skal vi takle ein auka terrortrussel? Vil eit Trump-leidd USA framleis vere den viktigaste forbundsfellen vår ? Norske politiske parti har ulike syn på desse spørsmåla, så det er gode grunnar for å diskutere utanrikspolitikk før valet.

Vi inviterer til frukostdebatt på Litteraturhuset for å kaste lys over dei politiske partias - og folkets - synspunkt på norsk utanrikspolitikk før vi går til valurnene i september. Frå dei ulike partia kjem:

SP: Sigbjørn Gjelsvik

SV: Bård Vegar Solhjell

Frp: Christian Tybring-Gjedde

AP: Anniken Huitfeldt

V: Ola Elvestuen

KrF: Hilde Frafjord Johnson

H: Trond Helleland

MdG: Kristin Antun

Raudt: Bjørnar Moxnes

NUPI-direktør Ulf Sverdrup opnar debatten, og Terje Svabø leiar han gjennom morgontimane. Bakteppet for debatten er ei omfattande undersøking gjort av NUPI som har sett på folkets haldning til og interesse for utanrikspolitikk.

Les Sverdrups kronikk om norsk utanrikspolitikk på dagsordenen i stortingsvalet her.

Vi serverer lett frukost og kaffi frå 08.00. Debatten startar 08.30 og varer til 10.00. Vi reknar med at det blir fullt, så hugs å registrere deg tidleg.

Debatten blir send live på NUPIs Youtubekanal: