Arrangement

Forholdet mellom Europa og Russland har dei to siste åra vore på eit historisk lågpunkt. Det russiske regimet meiner at Europa og USA ikkje har tatt nok omsyn til russiske interesser, især i nærområda deira. Dette gjeld både EUs og NATOs utvidingar austover, og det gjeld korleis dei blir tatte omsyn til i internasjonale forum. Russlands handlingar på Krim og i Aust-Ukraina og i Syria har hatt ein dobbel effekt på forholdet til omverda: det har skapt sterke reaksjonar i form av sanksjonar, utestenging frå samarbeid og fordømmingar, men det har også gitt Russland auka makt og ein sterkare posisjon internasjonalt. Korleis skal Europa og Noreg ta omsyn til eit meir sjølvhevdande Russland? Kva er konsekvensane for forholdet mellom Noreg og Russland?